შემადგენლობა:
- პურის ფქვილი 300გრ.
- არაჟანი 150გრ.
- კარაქი 100გრ.
- ცოტა მარილი.
შიგთავსი:
- ნიგოზი 200გრ.
- შაქარი 150გრ.
- თაფლი 3 ს/კ.
- ცოტა დარიჩინი.
წასასმელად:
- კვერცხის გული 1ც.
მომზადება:
კარაქი ავთქვიფოთ, დავამატოთ არაჟანი, ფქვილი, მარილი, მოვზილოთ ცომი და შევდგათ მაცივარში (საყინულეში) 15 წუთით. 15 წუთის შემდეგ ცომი გამოვიღოთ მაცივრიდან, გავაბრტყელოთ თხლად, ცომის მთლიან ზედაპირზე თანაბრად გადავანაწილოთ მომზადებული შიგთავსი, გადავახვიოთ რულეტისებურად, ორივე გვერდი კარგად შევუკეცოთ, დავდოთ გამოსაცხობ ფორმაზე, შევდგათ 225* ტემპერატურაზე გაცხელებულ აირღუმელში და ვაცხოთ დაახლოებით 20 წუთით, შემდეგ წავუსვათ ათქვეფილი კვერცხის გული და ვაცხოთ კიდევ 10 წუთი. გამოცხობის შემდეგ დავჭრათ სასურველი ზომის ნაჭრებად.
შიგთავსის მომზადება:
ნიგოზი გავატაროთ, დავამატოთ შაქარი, თაფლი, დარიჩინი და კარგად ავურიოთ.
წაიკითხეთ სხვაც
 |
დესერტი ალუბლით |