შემადგენლობა:
- 3 ც კვერცხი
- 1.5 ჩ.ჭ შაქრის ფხვნილი
- 3ს.კ თაფლი
- 300 გრ კარაქი
- 1 კოლოფი შესქელებული რძე
- 5 ჩ.ჭ ფქვილი
- 1ჩ.კ სოდა
- 1ს.კ ძმარი
- ვანილი-გემოვნებით
მომზადება:
3 კვერცხისა და ჭიქანახევარი შაქრის ფხვნილისგან გავაკეთოთ გოგლი-მოგლი, დავამატოთ 3ს.კ გამდნარი თაფლი, 3ს.კ გამდნარი კარაქი, სოდა-ძმარში გახსნილი,3 ჩ.ჭ ფქვილი და მოვზილოთ ცომი.
წინასწარ თასით ავადუღოთ წყალი, შიგ ჩავდგათ ქვაბი, რომელშიც ზემოაღნიშნული მასაა მოთავსებული და გავაცეროთ 10 წუთი ( ცომი უნდა იყოს წებოვანი). შემდეგ გადმოვიღოთ ფქვილმოყრილ ფიცარზე,კიდევ კარგად დავზილოთ და გავყოთ 8 ნაწილად. თითოეული ნაწილი ცომისა უნდა გამოვაცხოთ ცალ-ცალკე.წავუსვათ კრემი ყველა ფენას,დავალაგოთ ერთმანეთზე,ბოლო ფენასაც წავუსვათ კრემი და მოვაყაროთ დაფხვნილი შემოჭრილი ნაპირები.
კრემისთვის 300 გრ კარაქი კარგად გავთქვიფოთ გათეთრებამდე,შევაზილოთ 1 კოლოფი შესქელებული რძე და ვანილი.
წაიკითხეთ სხვაც
 |
ეკლერი |